Տղամարդկանց հագուստի խոշորագույն ռուսական ռիթեյլեր HENDERSON-ը բացեց իր ֆլագման սրահը Երեւանի կենտրոնում
3 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: HENDERSON նորաձեւության տունը բացեց իր ֆլագման սրահը Երեւանի կենտրոնում` Սայաթ-Նովա 8 հասցեում։ Տղամարդկանց հագուստ, կոշիկ, աքսեսուարներ. զգեստապահարանի ամբողջ տեսականին՝ միաժամանակ մի քանի ոճային ուղղություններով՝ դասական, առօրյա, սպորտային: Ներկայացված նորաձեւ տեսականին անտարբեր չի թողնի անգամ ամենաքմահաճ հաճախորդին:
Ընկերության հիմնադիր եւ նախագահ Ռուբեն Հարությունյանի խոսքով` HENDERSON-ի գործունեության համար Հայաստանում գոյություն ունեն հարմարավետ պայմաններ, քանի որ երկիրը Եվրասիական տնտեսական միության անդամ է, ինչը ենթադրում է հարմարավետ մաքսային եւ այլ կարգավորումներ։
«Մեր նոր ռազմավարության շրջանակներում դուրս ենք գալիս միջազգային շուկա, եւ Հայաստանից սկսելու որոշումը պայմանավորված է մեր տեխնոլոգիաներն ու գիտելիքները մեր ծննդավայրում կիրառելու ցանկությամբ։ Բացի այդ, մենք դիտարկում ենք Հայաստանը որպես «հարթակ»՝ այլ երկրների շուկաներ դուրս գալու համար»,- «Արմենպրես»-ի հաղորդմամբ ՝ բացման արարողությանն ասաց Ռուբեն Հարությունյանը:
Բրենդն իր առջեւ նպատակ է դրել Հայաստանում տղամարդկանց հագուստի մանրածախ հատվածում առաջատար դիրք զբաղեցնել։ Սայաթ-Նովա հասցեում ֆլագման խանութի բացմանը նախորդել էր ՌԴ սահմաններից դուրս HENDERSON նորաձեւության տան առաջին խանութի բացումը՝ Երևանում՝ «ՌԻՈ» առեւտրի կենտրոնի առաջին հարկում։ 2023-2024 թվականներին HENDERSON նորաձեւության տունն այլ սրահներ կբացի Երեւանում եւ Գյումրիում:
HENDERSON-ն աչքի է ընկնում ոչ միայն իր մրցունակ գնային առաջարկով, այլեւ նորարար մոտեցմամբ: Ամենն արվում է հաճախորդին լավագույնս սպասարկելու համար: Հայաստանում նորաձեւության տան հաճախորդները ոչ միայն կարող են օգտվել HENDERSON.am առցանց խանութից, այլեւ գնված հագուստը կազմվածքին համապատասխանեցնելու անվճար ծառայությունից: HENDERSON Su Misura անհատական կարի ծառայությունը հնարավորություն կտա հաճախորդին ունենալ կոստյում, վերարկու կամ վերնաշապիկ՝ ըստ անհատական չափսերի։ Այս ծառայության շրջանակներում՝ բրենդն օգտագործում է գործվածքներ իտալական ու եվրոպական առաջատար գործարաններից (Reda,Vitale Barberis Canonico, Drago, Albini, Thomas Mason եւ այլն): Բրենդի գնորդներին առաջարկվում է ավելի քան 5000 տեսակի բրդյա գործվածքից ընտրություն կատարելու հնարավորություն։
Մոտ 30 տարվա ընթացքում HENDERSON-ը դարձել է Ռուսաստանում տղամարդկանց հագուստի խոշորագույն դաշնային ռիթեյլեր եւ առաջարկում է տղամարդկանց համար ժամանակակից հագուստ ավելի քան 150 խանութներում՝ Կալինինգրադից մինչեւ Վլադիվոստոկ, Մուրմանսկից մինչեւ Գրոզնի: HENDERSON-ն այն սակավաթիվ բրենդերից է, որը գործում է affordable luxury (մատչելի շքեղություն) սեգմենտում: