Ադրբեջանի ամենօրյա հարձակումները Հայաստանի սուվերեն տարածքի վրա փաստաթղթավորված են ԵՄ դիտորդների կողմից. Էդմոն Մարուքյան

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի հատուկ հանձնարարություններով դեսպան Էդմոն Մարուքյանը հայտարարել է, որ Հայաստանի կողմից հայ-ադրբեջանական սահմանին վերջերս տեղակայված ԵՄ դիտարդական առաքելության ներկայացուցիչները փաստաթղթավորել են Հայաստանի սուվերեն տարածքի վրա Ադրբեջանի ամենօրյա հարձակումները: «Արմենպրես»-ի փոխանցմամբ՝ Մարուքյանն այս մասին գրել է «Թվիթեր»-ի իր միկրոբլոգում:

Daily attacks by AZ army into Armenian sovereign territory are well documented by the recently deployed EU Monitoring Capacity in Armenia. The mission will make it clear for EU and others that attacks are unprovoked and are well planned terror by AZ towards Armenian statehood. pic.twitter.com/GHzfDVZtrM

— Edmon Marukyan (@edmarukyan) November 14, 2022

«Հայաստանում վերջերս տեղակայված ԵՄ դիտորդական առաքելության կողմից փաստաթղթավորվել են Ադրբեջանի ամենօրյա հարձակումները Հայաստանի սուվերեն տարածքի վրա: Առաքելությունը ԵՄ-ի և այլոց համար հստակ կդարձնի, որ այդ հարձակումները չհրահրված են և Ադրբեջանի կողմից լավ պլանավորված ահաբեկչական գործողություններ են հայկական պետականության դեմ»,- գրել է Մարուքյանը: