Հայկական LiveBoard-ը հաղթել է She Loves Tech 2022 Summit-ի Արևմտյան Եվրոպայի մրցույթում՝ զբաղեցնելով առաջին հորիզոնականը
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Առցանց ուսուցման համար ինտերակտիվ հարթակ մշակած հայ հիմնադիրներ ունեցող LiveBoard ստարտափը հաղթել է She Loves Tech Summit-ի Արևմտյան Եվրոպայի տարածաշրջանի ստարտափ մրցույթում:
«Արմենպրես»-ի հաղորմամբ՝ այս մասին հրապարակվել է She Loves Tech «Ֆեյսբուք»-ի պաշտոնական էջում։
LiveBoard-ը տրամադրում է բոլորը մեկում հարթակ, որը հատուկ ստեղծված է մանկավարժների համար: Այն թույլ է տալիս նրանց առցանց դասավանդման ձևաչափով սովորեցնել և շփվել ուսանողների հետ իրական ժամանակում, ինչպես նաև կազմակերպել նրանց դասավանդման գործընթացը:
She Loves Tech-ը կանանց և տեխնոլոգիաների աշխարհի ամենամեծ ստարտափ մրցույթն է, որը ներկայում անցկացվում է աշխարհի ավելի քան 70 երկրում:
Ստարտափը նոյեմբերին կներկայանա Սինգապուրում կայանալիք Գլոբալ եզրափակչում: