Քաղաքականություն

ՍԴՀԿ համագումարը ՀՀ ներքին կյանքին, արտաքին քաղաքականությանը, ԼՂ հարցի կարգավորմանն առնչվող հայտարարություն է ընդունել

7 րոպեի ընթերցում

ՍԴՀԿ համագումարը ՀՀ ներքին կյանքին, արտաքին քաղաքականությանը, ԼՂ հարցի կարգավորմանն առնչվող հայտարարություն է ընդունել

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Սոցիալ Դեմոկրատ Հնչակյան Կուսակցության 22-րդ համագումարը ՀՀ ներքին կյանքին, արտաքին քաղաքականությանը, ԼՂ հարցի կարգավորմանը, Հայաստան-Սփյուռք և Հայաստան-Թուրքիա հարաբերություններին վերաբերող հայտարարություն է ընդունել։

Ինչպես «Արմենպրես»-ին տեղեկացրին ՍԴՀԿ կենտրոնական վարչությունից, հայտարարության մեջ նշված է.

«Սեպտեմբեր 24‒27, քաղաքամայր Երևանում գումարվեց Սոցիալ Դեմոկրատ Հնչակյան Կուսակցության 22-րդ Համագումարը, որ զուգադիպում էր Կուսակցության հիմնադրության 135-ամյակին: Աշխարհի 14 երկրները և Հայաստանի կուսակցական միավորները ներկայացնող ավելի քան 70 պատգամավորներ քննարկեցին հայ ժողովրդի առջև ներկայիս ծառացած խնդիրներն ու մարտահրավերները, ինչպես նաև Կուսակցության ներքին կյանքին առնչվող հարցերը:

Ժողովականները առաջին հերթին դատապարտեցին Ադրբեջանի նախահարձակ գործողությունները Հայաստանի սահմաններից ներս, միաժամանակ գոհունակություն հայտնելով հայոց բանակի ցուցաբերած դիմադրության՝ ի գին մեծ զոհողությունների:

Քննարկումների արդյունքում որդեգրվեցին տասնյակից ավելի բանաձևեր՝ հստակեցնելով Կուսակցության դիրքորոշումները հայ ժողովուրդը հուզող տարբեր հարցերի շուրջ:

ՀԱՅԱՍՏԱՆԻ ՆԵՐՔԻՆ ԿՅԱՆՔ

Համագումարը արձանագրեց, որ ժողովրդավարության ամրապնդման գործընթացում Հայաստանը արդեն իսկ արձանագրել է լուրջ ձեռքբերումներ, արժանանալով միջազգային ընտանիքի բարձր գնահատականին ու նեցուկին: Համագումարը գտավ, որ ամեն գնով պետք է պայքարել, որ այդ գործընթացը հետընթաց չարձանագրի:

Համագումարը դրական գնահատեց նաև վերջին տարիներին տեղի ունեցած տնտեսական բարեփոխումները, մենաշնորհների վերացումը, փտածության դեմ պայքարը, նոր աշխատատեղերի ստեղծումը և կարիքավոր խավերին հատկացվող նպաստների բարձրացումը, որոնց հանրագումարը պիտի նպաստի արտագաղթի դանդաղեցման և ապագան Հայաստանի հողի վրա տեսնելու ձգտումներին:

Համագումարը կարևորեց նաև Հայաստանի դատաիրավական համակարգի բարեփոխումների անհրաժեշտությունը և մտահոգություն հայտնեց նրանց դանդաղ ընթացքի վերաբերյալ:

Համագումարը իր խոր մտահոգությունը հայտնեց երկրի ներքին քաղաքական կյանքը լարված պահելու փորձերի կապակցությամբ և գտավ, որ Հայրենիքի դիմագրաված լրջագույն և ճակատագրական մարտահրավերները կարելի է հաղթահարել բացառապես միասնական ջանքերով:

ՀԱՅԱՍՏԱՆԻ ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ

Համագումարը ողջունելի գտավ Հայաստանի իշխանությունների վարած բազմաբևեռ արտաքին քաղաքականությունը և կարևոր նկատեց այդ հարաբերությունների առավել ամրապնդումը այն բոլոր պետությունների հետ, որոնք կսատարեն Հայաստանի անկախության, կնպաստեն ժողովրդավարության ամրապնդման և պատրաստ են թիկունք կանգնելու Հայաստանի տարածքային ամբողջականության ու ինքնիշխանության:

Համագումարը կոչ արեց դաշնակից պետություններին և կառույցներին հանձնառու լինել Հայաստանի անվտանգության և տարածքային ամբողջականության պաշտպանությանը ուղղված իրենց պարտավորություններին, որոնցից թերացումը հայ ժողովրդի մոտ իրավացիորեն առաջացնում է տարակուսանք և զայրույթ:

Համագումարը վերահաստատեց այն համոզումը, որ Հայաստանի անկախության և հողային ամբողջականության պահպանման միակ երաշխավորը մնում է հայկական ուժեղ և արդիականացված բանակը՝ իր թիկունքին ունենալով միասնական հայ ժողովուրդը:

ԼԵՌՆԱՅԻՆ ՂԱՐԱԲԱՂԻ ՀԱՐՑԻ ԿԱՐԳԱՎՈՐՄԱՆ ԳՈՐԾԸՆԹԱՑ

Քննարկելով Լեռնային Ղարաբաղի հարցի կարգավորման գործընթացի ներկա իրավիճակը, Համագումարը վերահաստատեց այն համոզումը, որ Լեռնային Ղարաբաղի հարցը պետք է լուծվի ազգերի ազատ ինքնորոշման իրավունքի միջազգային սկզբունքի հիման վրա՝ ԵԱՀԿ Մինսկի խմբի շրջանակից ներս:

Համագումարը կարևորեց նաև Արցախի Հանրապետության` բանակցային գործընթացի լիիրավ կողմ դառնալու անհրաժեշտությունը: Այս առիթով, Կուսակցությունը ողջունեց Արցախի պետական ղեկավարության և ազատատենչ ժողովրդի իր հողին կառչած մնալու որոշումը:

ՀԱՅԱՍՏԱՆ-ՍՓՅՈՒՌՔ ՀԱՐԱԲԵՐՈՒԹՅՈՒՆՆԵՐ

Համագումարը կարևորեց Հայաստան-Սփյուռք հարաբերությունները ավելի գործնական դարձնելու և Սփյուռքի ներուժը ավելի արդյունավետ կերպով օգտագործելու անհրաժեշտությունը, մասնավորապես Հայաստանի Հանրապետության կենսական ոլորտները ղեկավարող գերատեսչություններից ներս սփյուռքահայ մասնագետների ներգրավումով: Այդ առնչությամբ, առաջնահերթ է Սահմանադրության 148-րդ հոդվածի վերանայումը՝ վերացնելու համար անհարկի խոչընդոտները:

Համագումարը քննարկեց նաև Սփյուռքի ընդհանուր իրավիճակը և իր մտահոգությունը հայտնեց Միջին Արեւելքի հայ գաղութներում տիրող տնտեսական և ապահովական ճգնաժամերի վերաբերյալ ու գտավ, որ անհրաժեշտ է ամեն գնով կանգուն պահել այդ գաղութները և կանխել դրանց դատարկումը: Իսկ, հակառակ դեպքում, արտագաղթել ցանկացողներին ուղղորդել դեպի Հայաստան: Այդ առումով, Համագումարը մի անգամ ևս կարևորեց համազգային ջանքերով դեպի հայրենիք ներգաղթի համապարփակ ծրագիր մշակելու անհրաժեշտությունը, որի գլխավոր նպատակը պետք է լինի ներգաղթող հայ ընտանիքների համար բավարար պայմանների ստեղծումը, որպեսզի նրանք մշտապես հաստատվեն հայրենի հողի վրա:

ՀԱՅԱՍՏԱՆ-ԹՈՒՐՔԻԱ ՀԱՐԱԲԵՐՈՒԹՅՈՒՆՆԵՐ

22-րդ Համագումարը քննարկելուց հետո Հայաստան-Թուրքիա հարաբերությունները, դրական գնահատեց Հայաստանի և Թուրքիո միջև ընթացող բանակցային գործընթացը և անհրաժեշտ նկատեց երկու հարեւան ու ինքնիշխան պետությունների միջև բնականոն և կանխատեսելի հարաբերությունների գոյացումը այն պայմանով, որ բանակցությունները տեղի ունենան առանց նախապայմանների, և որպես բարի կամքի դրսևորում՝ Թուրքիա առաջին հերթին բացի իր իսկ կողմից փակած սահմանը:

Համագումարը շեշտեց, որ բանակցությունների գործընթացը բացարձակապես չի նշանակում Թուրքիո նկատմամբ հայ ժողովրդի արդար պահանջներից հրաժարում և այս հարցը բանակցային սակարկության առարկա չի կարող դառնալ»:

Լիտվան աջակցություն է հայտնել Հայաստանի հետ ԵՄ կապերի ամրապնդմանը

Քաղաքականություն

Լիտվան աջակցություն է հայտնել Հայաստանի հետ ԵՄ կապերի ամրապնդմանը

ԵՄ խորհուրդը ողջունել է Հայաստանի հետ վիզաների ազատականացման շուրջ երկխոսություն սկսելու Եվրահանձնաժողովի մտադրությունը

Քաղաքականություն

ԵՄ խորհուրդը ողջունել է Հայաստանի հետ վիզաների ազատականացման շուրջ երկխոսություն սկսելու Եվրահանձնաժողովի մտադրությունը

Հայաստան-ԱՄՆ գործընկերությունն օրեցօր ավելի է ամրապնդվում․ Սամանթա Փաուերն ամփոփել է Հայաստան կատարած այցը

Քաղաքականություն

Հայաստան-ԱՄՆ գործընկերությունն օրեցօր ավելի է ամրապնդվում․ Սամանթա Փաուերն ամփոփել է Հայաստան կատարած այցը

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Քաղաքականություն

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Քաղաքականություն

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Քաղաքականություն

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Քաղաքականություն

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Քաղաքականություն

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

Քաղաքականություն

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

Տիգրան Մկրտչյանը Հունաստանի վարչապետի գրասենյակի համակարգողին է ներկայացրել Հայաստանի արտաքին քաղաքականության մարտահրավերները

Քաղաքականություն

Տիգրան Մկրտչյանը Հունաստանի վարչապետի գրասենյակի համակարգողին է ներկայացրել Հայաստանի արտաքին քաղաքականության մարտահրավերները

Հայաստանի տարածքի նկատմամբ Ադրբեջանի ցանկացած ոտնձգության դեպքում Արևմուտքը պետք է պատժամիջոցներ կիրառի. հարցազրույց շվեդ պատգամավորի հետ

Քաղաքականություն

Հայաստանի տարածքի նկատմամբ Ադրբեջանի ցանկացած ոտնձգության դեպքում Արևմուտքը պետք է պատժամիջոցներ կիրառի. հարցազրույց շվեդ պատգամավորի հետ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում