Աննա Վարդապետյանն ազատվել է վարչապետի օգնականի պաշտոնից

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Վարչապետ Նիկոլ Փաշինյանի որոշմամբ Աննա Վարդապետյանն ազատվել է ՀՀ վարչապետի օգնականի պաշտոնից:

«Արմենպրես»-ի փոխանցմամբ՝ որոշումը հրապարակվել է ՀՀ կառավարության e-gov.am կայքում:

2022 թվականի հունիսի 29-ին Հայաստանի խորհրդարանն Աննա Վարդապետյանին ընտրել էր ՀՀ գլխավոր դատախազի պաշտոնում: ՀՀ գլխավոր դատախազ Արթուր Դավթյանի պաշտոնավարման ժամկետը լրանում է սեպտեմբերի 15-ին: