388.06
Ի՞նչ պետք է լինի, որ դուք գաք դահլիճ, ո՞րն է ձեր օրակարգը. ԱԺ նախագահը սուր քննադատության ենթարկեց ընդդիմությանը
2 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ազգային ժողովի նախագահ Ալեն Սիմոնյանը սուր քննադատության ենթարկեց Ազգային ժողովի ընդդիմադիր «Հայաստան» և «Պատիվ ունեմ» ունեմ խմբակցություններին: Ինչպես տեղեկացնում է «Արմենպրես»-ը, Ազգային ժողովի նախագահի համար անհասկանալի է, թե էլ ի՞նչ պետք է լինի, որ ընդդիմությունը ներկայանա Ազգային ժողով:
«Ինչի՞ն եք բա դուք մասնակցում, ի՞նչ պետք է լինի, որ այս դահլիճում ձեր օրակարգը սպասարկվի: Հայաստանը գրավե՞ն վերջնականապես, բոլորս մեռնե՞նք: Ի՞նչ պետք է լինի, որ դուք գաք դահլիճ: Ո՞րն է ձեր օրակարգը, անվտանգությունից դուրս: Ուզում եմ հասկանալ:
Ադրբեջանի մասով հայտարարություն ենք ընդունում, երրորդ կետով ներքաղաքական հարց եք լուծում, չորրորդ կետով էլ նշում եք Ադրբեջանի հետ բանակցություններից դուրս գալու մասին: Լու՞րջ, բա ի՞նչ անենք, դուրս գա՞նք: Էլի երկու հոգով գնալու եք սահման պահե՞ք»,- հետաքրքրվեց Սիմոնյանը:
ԱԺ նախագահի խոսքով՝ վարչապետ Նիկոլ Փաշինյանը եկել էր ԱԺ, խոսում էր հայ-ադրբեջանական սահմանին մարտական գործողությունների մասին, զոհերի, վիրավորների մասին, իսկ ընդդիմությունը ասում է «Մենք մեր օրակարգը ունենք»:
«Մի եկեք էլի դահլիճ, որպես Ազգային ժողովի նախագահ չեմ խնդրում, որպես Հայաստանի Հանրապետության քաղաքացի եմ խնդրում: Գալիս եք, ու՞մ եք պետք: Հազար ափսոս, որ նույնիսկ այս իրավիճակում դուք չեք կարողանում Հայաստանի Հանրապետության շահերը սպասարկել: Այստեղ քաղաքական հարց չկա՝ «քոչարյանական», «սերժական» և այլն, ի՞նչ պետք է լինի, որ դուք գաք: Մի եկեք»,- եզրափակեց Սիմոնյանը:
