396.83
Երևանի օրերը Գյումրիում. կայացել է «… և նորից Գարուն» ներկայացումը
1 րոպեի ընթերցում
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի օրերի շրջանակում Գյումրիում նախաձեռնված ծրագիրը քաղաքի բնակիչներին ու հյուրերին երկու օր շարունակ հնարավորություն է տվել լիարժեքորեն վայելելու երևանյան մշակույթը: Սեպտեմբերի 3-ին Գյումրու Վ. Աճեմյանի անվան պետական դրամատիկական թատրոնի բեմը Սոս Սարգսյանի անվան համազգային պետական թատրոնի արտիստներինն էր: Ներկայացվել է խաղացանկային՝ Օ’Հենրիի «… և նորից Գարուն» բեմականացումը: «Արմենպրես»-ին այս մասին տեղեկացրին Երևանի քաղաքապետարանից։
«Դահլիճը լեփ-լեցուն էր, հանդիսատեսը յուրօրինակ ջերմությամբ ընդունեց Երևանից եկած արտիստներին։
Գյումրիում Երևանի օրերի միջոցառումների ծրագիրն ամփոփվեց Երևանի քաղաքապետի անունից կազմակերպված պաշտոնական ընդունելությամբ»,- ասվում է հաղորդագրության մեջ:
Ըստ աղբյուրի՝ երկու քաղաքների ամուր հիմքերի վրա դրվող գործակցության համատեղ հաջորդ նախագիծը կյանքի կկոչվի Երևանում` Գյումրու օրերի անցկացմամբ:
Բաժանորդագրվեք մեր ալիքին Telegram-ում