N զորամիավորումն ամփոփել է 1-ին կիսամյակում իրականացրած աշխատանքների արդյունքները
1 րոպեի ընթերցում
![N զորամիավորումն ամփոփել է 1-ին կիսամյակում իրականացրած աշխատանքների արդյունքները](http://armenpress.am/resized/480/static/news/b/2022/07/1088685.jpg)
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: N զորամիավորումում հուլիսի 20-ին ամփոփվել են 2022 թվականի ուսումնական տարվա 1-ին կիսամյակում իրականացված աշխատանքների արդյունքները։
Ինչպես «Արմենպրես»-ին տեղեկացրին ՀՀ պաշտպանության նախարարությունից, զեկույցներ են ներկայացվել մարտական պատրաստականության, մարտական հերթապահության կազմակերպման, անձնակազմի բարոյահոգեբանական վիճակի և զինվորական կարգապահության ամրապնդման ուղղությամբ իրականացված միջոցառումների վերաբերյալ։
Նշվում է, որ, ամփոփելով կատարված աշխատանքները, զորամիավորման հրամանատար, գնդապետ Ալեքսանդր Ցականյանը նշել է առկա բացթողումները, տվել դրանց շտկման ցուցումներ, խրախուսել լավագույն արդյունքներ ցուցաբերած ստորաբաժանումներին և զինծառայողներին։