Նշվել է զորամասի կազմավորման տարեդարձը

ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: N զորամասի կազմավորման տարեդարձի առթիվ հուլիսի 14-ին անցկացվել է հանդիսավոր արարողություն։

Ինչպես «Արմենպրես»-ին տեղեկացրին ՀՀ պաշտպանության նախարարությունից, հրամանատարությունը անձնակազմին ներկայացրել է զորամասի կազմավորման պատմությունը, մարտական ուղին, խրախուսել մարտական և մասնագիտական բարձր պատրաստությամբ, բարեխիղճ ծառայությամբ և կարգապահությամբ աչքի ընկած մի շարք զինծառայողների։