N զորամիավորման զորամասերից մեկում անցկացվել է ցուցադրական հրամանատարաշտաբային զորավարժություն
1 րոպեի ընթերցում
![N զորամիավորման զորամասերից մեկում անցկացվել է ցուցադրական հրամանատարաշտաբային զորավարժություն](http://armenpress.am/resized/480/static/news/b/2022/06/1085872.jpg)
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: N զորամիավորման զորամասերից մեկում հունիսի 13-ին անցկացվել է ցուցադրական հրամանատարաշտաբային զորավարժություն։
Ինչպես «Արմենպրես»-ին տեղեկացրին ՀՀ պաշտպանության նախարարությունից, զորավարժությանը ներգրավված ստորաբաժանումների ղեկավարներին առաջադրվել են պայմանական մարտական խնդիրներ, ներկայացվել պաշտպանական մարտի նախապատրաստման և վարման ընթացքը, գործողությունների հաջորդականությունը:
Ըստ աղբյուրի՝ զորամիավորման ղեկավար կազմը բարձր է գնահատել զինծառայողների պատրաստությունը և ստորաբաժանումների գործողությունների ներդաշնակումը։