Հասարակական

Սիրիայի հայ համայնքը Հայաստանից ակնկալում է աջակցություն կրթական հաստատություններին

3 րոպեի ընթերցում

ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Սփյուռքի գործերի գլխավոր հանձնակատարի գրասենյակի պատվիրակությունը Զարեհ Սինանյանի գլխավորությամբ արդյունավետ այց է ունեցել Սիրիա, Լիբանան: Բազմաթիվ հանդիպումներ են եղել Դամասկոսում, Հալեպում, Քեսաբում, Բեյրութում: «Արմենպրես»-ի մամուլի սրահում հրավիրված ասուլիսում ՀՀ սփյուռքի գործերի գլխավոր հանձնակատարի գրասենյակի ռազմավարությունների մշակման բաժնի պետ Հովհաննես Ալեքսանյանը հատկանշական համարեց այն, որ բոլոր հանդիպումների ժամանակ հայկական կազմակերպությունները, անհատները նշում էին՝ այցը սպասված էր:

«Նույնիսկ հրավիրել են, որ այս տարվա վերջին կրկին այցելենք ավելի ընդգրկուն ծրագրով: Ի՞նչ տեսանք ու ի՞նչ արձանագրեցինք: Հալեպի հայ համայնքը վերականգնվում է, ինչը մեծապես տուժել էր արդեն 10-11 տարի տևող պատերազմից: Կան բազմաթիվ խնդիրներ: Հայկական կառույցներում, եկեղեցիներում, դպրոցներում վերականգնման աշխատանքները շարունակվում են: Հաստատությունները պատշաճ վիճակում են: Ընդհանուր մտահոգությունները Սիրիայի հեռանկարի շուրջ են: Դամասկոսում համեմատաբար շատ ավելի իրավիճակը հանգիստ է»,-ասաց Հովհաննես Ալեքսանյանը՝ ավելացնելով, որ հանդիպում է տեղի ունեցել նաև Քեսաբի քաղաքապետի հետ: Քեսաբում ներկայում բնակվում է 1200 հայրենակից:

«Ասեմ, որ այցը բավական հաջողված էր, հայ համայնքի ներկայացուցիչները սպասում են նոր այցի: Զարեհ Սինանյանը ներկայացրել է գրասենյակի ծրագրերը և կոչ արել ակտիվորեն ներգրավվել: Հանդիպումներում մեր հայրենակիցները բարձրացրել են մի շարք խնդիրներ, որոնք փոխանցվել են կառավարությանը: Նրանք դիմել են կրթական հաստատություններին աջակցելու խնդրանքով»,-ասաց Հովհաննես Ալեքսանյանը:

Հայ համայնքը ակնկալում է, որ ակտիվանան Հայաստանից կրթամշակութային խմբերի այցելությունները Սիրիա, որպեսզի մշակութային կապն ամրապնդվի, քայլեր իրականացվեն արևմտահայերենի պահպանության ուղղությամբ, ակտիվացվի դպրոցների միջև փոխհամագործակցությունը:

Դժվար իրավիճակ է Լիբանանում: Ֆինանսատնտեսական ճգնաժամով պայմանավորված բազմաթիվ դժվարությունների առաջ է կանգնած հայ համայնքը: Հովհաննես Ալեքսանյանը նշեց, որ չնայած դժվարություններին, Բեյրութի հայերը հանգանակություն են կատարել Ուկրաինայի հայերի ինտեգրման ծրագրին:

Հայերեն Español

Գավառի Հայրապետ Խաչատրյանի անվան արվեստի դպրոցի սաները մրցանակներ են նվաճել հանրապետական ու միջազգային ստուգատեսներում

Արայիկ Հարությունյանը ներկա է գտնվել կարատեի Եվրոպայի մեծահասակների 60-րդ առաջնության բացման արարողությանը

Հիմնանորոգվում է Սևան-Ծաղկունք-Զովաբեր հանրապետական նշանակության ավտոճանապարհի հատվածը

Հայտնի է նոր Հռոմի պապի անունը

Հնդկաստանում պայթյուններ են որոտացել ԱԹՍ–ի ենթադրյալ հարձակումների հետևանքով

ՊԵԿ նախագահը Թեհրանում քննարկել է հայ-իրանական սահմանին «Պարզեցված մաքսային միջանցքի» ներդրման հայեցակարգը

Աստղաձորում հիմնանորոգվում է 2 փողոց

Մեքսիկայի նախագահը հայտարարել է՝ ԱՄՆ-ից մեքսիկացիների հայրենադարձությունը վերջին շաբաթներին աճել է

Երևանում կայացավ կարատեի Եվրոպայի առաջնության բացման արարողությունը

Նախարարն ու Արարատի մարզի պաշտոնյաները կհանդիպեն անձրևի և կարկուտի հետևանքով տուժած բնակիչների հետ