Բռնցքամարտի ընտրանին Լիտվայի և Իսրայելի հավաքականների հետ համատեղ հավաք է անցկացնում

ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Հայաստանի բռնցքամարտի հավաքականը Կարեն Աղամալյանի գլխավորությամբ ուսումնամարզական հավաք է սկսել Ծաղկաձորում:

«Արմենպրես»-ի հաղորդմամբ` այս մասին հայտնում է ֆեդերացիան: Ընտրանու հետ համատեղ հավաք են անցկացնում նաև Լիտվայի և Իսրայելի հավաքականները։ Այս հավաքը Կարեն Աղամալյանի գլխավորած թիմի համար նախավերջինն է Եվրոպայի առաջնությունից առաջ։ Ծաղկաձորյան հավաքը կավարտվի մայիսի 2-ին։

Բռնցքամարտի Եվրոպայի մեծահասակների առաջնությունը կանցկացվի Երևանում մայիսի 21-31-ը: