N զորամիավորումն ամփոփել է առաջին եռամսյակի աշխատանքների արդյունքները
1 րոպեի ընթերցում
![N զորամիավորումն ամփոփել է առաջին եռամսյակի աշխատանքների արդյունքները](http://armenpress.am/resized/480/static/news/b/2022/04/1080553.jpg)
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: N զորամիավորումում ապրիլի 13-ին ամփոփվել են 2022 թվականի ուսումնական տարվա առաջին եռամսյակում իրականացված աշխատանքների արդյունքները։
Ինչպես «Արմենպրես»-ին տեղեկացրին ՀՀ պաշտպանության նախարարությունից, խորհրդակցության ընթացքում զեկուցվել է մարտական պատրաստության ամրապնդման, մարտական հերթապահության կազմակերպման, թիկունքային և տեխնիկական ապահովման ուղղությամբ իրականացված աշխատանքների վերաբերյալ։ Քննարկվել են նաև արձանագրված բացթողումները, ներկայացվել դրանց շտկման առաջարկություններ:
Ամփոփելով ներկայացված զեկույցները, զորամիավորման հրամանատարը համապատասխան հրահանգներ է տվել ստորաբաժանումների ղեկավարներին, խրախուսել լավագույն զինծառայողներին։