1 րոպեի ընթերցում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության` Vbet Ա լիգայի 2021/22 մրցաշրջանն արդեն պատմություն է, որը բասկետբոլի սիրահարները կհիշեն երկու թիմերի՝ «Էրեբունի»-ի և «Ուրարտու»-ի միջև համառ պայքարով:
«Արմենպրես»-ի Podcast-Sport-ում բասկետբոլի Ա լիգայի նախագահ Արա Պողոսյանի հետ խոսել ենք արդեն ավարտված առաջնության, նոր բացահայտումների և ապագա ծրագրերի մասին:
«Ձեռքբերումների տեսանկյունից ես այս առաջնությունը կբաժանեմ երկու մասի՝ սպորտային և կազմակերպչական: Մեր առաջխաղացման կարևոր գործոններից մեկն էլ այն է, որ լիգայի մոտ 30 հանդիպում հեռարձակվեց հեռուստատեսությամբ»,-ասաց Պողոսյանը:
Վերջինս խոսեց նաև լիգայի չեմպիոն «Էրեբունի»-ի, առաջնության մյուս ֆավորիտ թիմի` «Ուրարտու»-ի մասին.
«Բասկետբոլի առաջնությունում վերջին 5 տարիների ընթացքում չի եղել այնպիսի մարտունակ թիմ, ինչպիսին այս տարվա չեմպիոն «Էրեբունի»-ն է: Սա նաև մարզչի` Նարեկ Ավեդիկյանի աշխատանքի արդյունքն էր»,-ասաց լիգայի նախագահը: