Podcast-Sport. Հրաձգության Եվրոպայի չեմպիոնը մարզաձևի, վերջին հաջողությունների մասին
1 րոպեի ընթերցում
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Հրաձգության հավաքականի մասնակցությունը Եվրոպայի առաջնությանը նոր մակարդակի բարձրացրեց այս մարզաձևը Հայաստանում: Ընտրանին առաջնությունում նվաճեց 10 մեդալ, որոնցից 7-ը՝ ոսկե:
«Արմենպրես»-ի Podcast-Sport-ի հյուրը Հայաստանի հավաքականի անդամ, Եվրոպայի չեմպիոն Լիլիթ Մկրտչյանն է: Վերջինիս հետ խոսել ենք Եվրոպայի առաջնության արդյունքներից, միջազգային մրցաշարերին կանանց մասնակցության մակարդակից:
«Առաջին անգամն էր, որ մեծահասակների առաջնությունում գրավեցի առաջին հորիզոնականը: Արդյունքս բավարար էր աշխարհի և Եվրոպայի առաջնություններում, սակայն ինքս ինձից գոհ չեմ»,-ասաց նա:
Մկրտչյանի խոսքով` Հայաստանում գրանցած արդյունքներն առավել բարձր են և իր նպատակն է նմանատիպ միավորներ հավաքել նաև Եվրոպայի և աշխարհի առաջնություններում:
«Հրաձգությունում տարիների ընթացքում կարողանում ես հասկանալ, թե ինչ է քեզ պետք: Հրաձգությունը չհանձնվելու ունակություն է զարգացնում»,-ասաց Եվրոպայի չեմպիոնը: