«Արարատ»-ի ֆուտբոլիստը միացել է «Ալաշկերտ»-ին

ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Երևանի «Ալաշկերտի» կազմը համալրել է կիսապաշտպան Ալբերտ Մնացականյանը:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: 22-ամյա ֆուտբոլիստը Մոսկվայի «Սպարտակի» սան է, հանդես է եկել Երևանի և Մոսկվայի «Արարատ» ակումբներում, իսկ նրա նախորդ ակումբը ռուսական «Տեքստիլշչիկն» էր:

Մնացականյանը ներկայացրել է Հայաստանի Մ-17 և Մ-19 հավաքականները: