Ստուգվել է hատուկ նշանակության ստորաբաժանման զինծառայողների մասնագիտական պատրաստությունը
1 րոպեի ընթերցում
![Ստուգվել է hատուկ նշանակության ստորաբաժանման զինծառայողների մասնագիտական պատրաստությունը](http://armenpress.am/resized/480/static/news/b/2022/03/1077056.jpg)
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Հատուկ նշանակության ստորաբաժանման զինծառայողների մասնագիտական պատրաստության մակարդակն ստուգելու նպատակով N զորամասում մարտի 3-ին անցկացվել են մարտավարական պարապմունքներ։
Ինչպես «Արմենպրես»-ին տեղեկացրին ՀՀ պաշտպանության նախարարությունից, զինծառայողները, ըստ պարապմունքների սցենարի, ներթափանցել են պայմանական հակառակորդի տեղակայման վայր, չեզոքացրել կենդանի ուժն ու կարևորագույն օբյեկտները, զբաղեցրել նպաստավոր դիրքեր։