Քաղաքականություն

ԱԺ-ում իրավիճակը լարվեց, ընդդիմադիրները դուրս եկան դահլիճից, կառավարության հետ հարցուպատասխանն ավարտվեց

6 րոպեի ընթերցում

ԱԺ-ում իրավիճակը լարվեց, ընդդիմադիրները դուրս եկան դահլիճից, կառավարության հետ հարցուպատասխանն ավարտվեց

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: ՀՀ ազգային ժողովում կառավարության անդամների հետ հարցուպատասխանին իրավիճակը լարվեց, ընդդիմադիրները դուրս եկան դահլիճից, հարցուպատասխանն ավարտվեց:

«Արմենպրես»-ի հաղորդմամբ՝նիստին «Հայաստան» խմբակցության պատգամավոր Հռիփսիմե Ստամբուլյանը, անդրադառնալով ռուս-ուկրաինական ռազմական գործողություններին, նշեց, որ դա իր վատ անդրադարձն է ունենալու Հայաստանի տնտեսության վրա: Նա հետաքրքրվեց, թե հացահատիկի մասով ի՞նչ քայլեր է նախատեսում ՀՀ կառավարությունը, Ռուսաստանի հանդեպ պատժամիջոցներ խստացվում են: Նա նշեց՝ երբ հերթը հասնի հացահատիկի խնդրին, ՌԴ-ն իր քաղաքացիներին է սպասարկելու: Այնուհետև նա կառավարությանը մեղադրեց Արցախի շուրջ 75 տոկոսը թշնամուն հանձնելու և դաշտերում հացահատիկի պաշարները թողնելու մեջ: Նա հետաքրքրվեց, թե այդ մասով ՀՀ անվտանգությունը ինչպե՞ս են սպասարկելու:

Վարչապետ Փաշինյանն ասաց, որ ամբիոնին չէր մոտենա, եթե պատգամավորի հարցի մեջ չլիներ հերթական պնդումը, որ իշխանությունը Արցախի 75 տոկոսը թողել է թշնամուն: «Ես հիմա պաշտոնապես «Հայաստան» և «Պատիվ ունեմ» խմբակցություններից պահանջում եմ, որ հրապարակային դիրքորոշում արտահայտեն՝ ի վերջո, Սանասա՞ր է, թե Կուբաթլի է, և այդպես շարունակ: Ընդ որում, ես միանգամից իմ արձագանքն եմ ասում դրան: Եթե Սանասար է և ոչ Կուբաթլի, ձեր լիդերներն ինչո՞ւ են 20 տարի բանակցել այդ տարածքները Ադրբեջանին հանձնելու վերաբերյալ: Ընդ որում՝ դա արել են հրապարակային, ձեր ընդունած Մադրիդյան սկզբունքներում գրվել է՝ 7 շրջանները վերադարձվում են Ադրբեջանին»,-ասաց Փաշինյանը:

Նրանց անվանելով «դավաճաններ»՝ Փաշինյանը հարցրեց. «Ինչո՞ւ են այդ հողերը, հայրենիքը դրել սակարկությունների վրա. որ հացահատիկի գործ անե՞ք. ասեք պաշտոնապես»:

«Եթե հաստատեք պաշտոնապես, որ Սանասար է և ոչ Կուբաթլի, ուրեմն հայրենիքի դավաճանության հոդվածով ձեր երկու լիդերների (ընդդիմադիր երկու խմբակցությունների-խմբ.) նկատմամբ պետք է քրեական գործ հարուցվի, և այն, ինչ ուզում եք բեմադրել մեր նկատմամբ, պետք է ձեր նկատմամբ արվի: Հերիք է գաք այստեղ, կոկորդիլոսի արցունքներ թափեք»,-ասաց Փաշինյանը՝ հավելելով, որ Սյունիքի մասին խոսողները ընդունեցին իրենց մեղքը, ներում խնդրեցին, 15 մլրդ էլ վճարեցին պետբյուջե:

Ստամբուլյանը շեշտեց՝ Փաշինյանը գործադիրից է և իրավունք չունի մատ թափ տալով և բղավելով, ձայնի տոնայնությունը բարձրացնելով պատասխանել իրենց բարձրացրած հարցերին: Սպա կրկին հետաքրքրվեց, թե կա՞ն հստակ մեխանիզմներ, երբ հացահատիկի խնդրի առաջ կանգնի երկիրը, ՀՀ քաղաքացին ի՞նչ ակնկալի:

Փաշինյանն էլ պատասխանեց՝ այն, որ Ստամբուլյանը օրենսդիրից է, չի նշանակում, որ «տակից, գլխից կարող է ամեն ինչից խոսել»: Վարչապետը շարունակեց. «Ես ձեզ պարզ հարց եմ տալիս: Ասում եմ՝ ով ինձ ասի, որ ես հող եմ հանձնել, ես այդ մարդկանց հետ մատով եմ խոսելու և մատով եմ խոսել»:

Ապա դահլիճից լսվեց ընդդիմադիր «Հայաստան» խմբակցության ղեկավար Սեյրան Օհանյանի դիտարկումը տեղից. «Ձեր ղեկավարության ժամանակ է եղել»:

Փաշինյանն էլ պատասխանեց. «Ձեր ղեկավարության ժամանակ ի՞նչ է եղել: Եթե Սանասար էր, ինչո՞ւ էիք գնացել, հանձնում: Մադրիդյան սկզբունքներում դուք եք գրել, Դուք էլ պաշտպանության նախարար եք եղել»: Փաշինյանն Օհանյանին հորդորեց չափն իմանալ, ապա հավելեց՝ պետք լինի, թափ կտա մատ:

Օհանյանի արձագանքին ի պատասխան՝ ԱԺ փոխնախագահ, ԱԺ նախագահի լիազորությունները կատարող Հակոբ Արշակյանը հորդորեց տեղից չարձագանքել, ապա նախազգուշացում տվեց: Արշակյանը հորդորեց Օհանյանին իր գործընկերներին կոռեկտության կոչ անել, ապա նա հորդորեց հանգստացնել լարվածության մթնոլորտը:

Տեղից արձագանքեց «Հայաստան» խմբակցության պատգամավոր Գեղամ Նազարյանը, սակայն լսելի չէր, թե պատգամավորն ինչ է ասում: Արշակյանն արձագանքեց՝ երբ նրա գործընկերները խոսում են հողերը հանձնելուց, լարվածության մթնոլորտ են ստեղծում: Արշակյանը հորդորեց այլևս նման բառապաշարով չխոսել: Արշակյանը նախազգուշացում հայտարարեց Հռիփսիմե Ստամբուլյանին, հորդորեց կոռեկտ լինել, չսրել իրավիճակն ԱԺ դահլիճում: Այնուհետև ԱԺ դահլիճում տարբեր պատգամավորներ տեղից սկսեցին խոսել, բանավիճեցին, աղմուկ բարձրացավ: Արշակյանը հորդորեց հանգիստ վիճակում շարունակել հարցուպատասխանը, պիտակավորումներ չանել: Նա նախազգուշացում տվեց նաև ՔՊ-ից Անդրանիկ Քոչարյանին, իսկ Գեղամ Նազարյանի՝ տեղից խոսելուն ի պատասխան, հորդորեց դուրս գալ դահլիճից, ապա դուրս հրավիրեց նաև ընդդիմադիր Արամ Վարդևանյանին: Այնուհետև ընդդիմադիր մյուս պատգամավորները ոտքի կանգնեցին, որ դուրս գան, Արշակյանը հորդորեց առանց բան ասելու դուրս գալ:

Հարցերի համար գրանցված պատգամավորներն, այսպիսով, այլևս դահլիճում չէին, հարցուպատասխանն ավարտվեց:

Աննա Գրիգորյան

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

Քաղաքականություն

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

Քաղաքականություն

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Քաղաքականություն

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Քաղաքականություն

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Գաբրիել Աթալն ընտրվել է նախագահ Մակրոնի «Վերածնունդ» խմբակցության նախագահ

Քաղաքականություն

Գաբրիել Աթալն ընտրվել է նախագահ Մակրոնի «Վերածնունդ» խմբակցության նախագահ

Իրանի նախագահը հայտարարել է, որ երկիրը չի ձգտում միջուկային զենք ստեղծել

Քաղաքականություն

Իրանի նախագահը հայտարարել է, որ երկիրը չի ձգտում միջուկային զենք ստեղծել

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

Քաղաքականություն

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

Հայաստանի վարչապետն ու Վրաստանի պաշտպանության նախարարը մտքեր են փոխանակել պաշտպանության ոլորտում գործընկերության ամրապնդման շուրջ

Քաղաքականություն

Հայաստանի վարչապետն ու Վրաստանի պաշտպանության նախարարը մտքեր են փոխանակել պաշտպանության ոլորտում գործընկերության ամրապնդման շուրջ

Ղարաբաղի հայերը ոչ կամավոր են լքել իրենց տները, պետք է կարողանան վերադառնալ. ԻԻՀ դեսպան

Քաղաքականություն

Ղարաբաղի հայերը ոչ կամավոր են լքել իրենց տները, պետք է կարողանան վերադառնալ. ԻԻՀ դեսպան

Ակնկալում ենք Հայաստանի և Սլովենիայի միջև համագործակցության հետագա ամրապնդում․ Արարատ Միրզոյան

Քաղաքականություն

Ակնկալում ենք Հայաստանի և Սլովենիայի միջև համագործակցության հետագա ամրապնդում․ Արարատ Միրզոյան

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում