1 րոպեի ընթերցում
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: «Բարգավաճ Հայաստան» կուսակցության ղեկավար Գագիկ Ծառուկյանի ընտանիքի նախաձեռնությամբ Հայաստանում Հիսուս Քրիստոսի արձանը տեղադրելու համար մրցույթ է հայտարարվել:
«Իմ ընտանիքի նախաձեռնությամբ հայտարարվում է մրցույթ՝ Հայաստան աշխարհի բարձունքում Հիսուս Քրիստոսի արձանը կառուցելու համար: Թող այն վերածննդի և լույսի ճանապարհ ցույց տա հայ ժողովրդին»,- «Արմենպրես»-ի հաղորդմամբ` «Ֆեյսբուք»-ի իր էջում գրել է Ծառուկյանը:
Նա հավելել է, որ պատրաստվում է ծրագիրը կյանքի կոչել 2022 թվականին: Գրառմանը կից հրապարակված տեսանյութում նշվում է, որ Գագիկ Ծառուկյանի ցանկությամբ արձանի բարձրությունը պետք է լինի խորհրդանշական՝ միայն քանդակը 33 մետր: Հեղինակի առաջարկած այլ լուծումների դեպքում ու պատվանդանով ընդհանուր բարձրությունը կարող է կրկնակի կամ եռակի անգամ ավել լինել: