366.74
ԵՊՀ-ից հայտնել են ռեկտորի պաշտոնի համար առաջադրված երկրորդ թեկնածուի անունը
1 րոպեի ընթերցում
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի պետական համալսարանից հայտնել են ռեկտորի պաշտոնի համար առաջադրված երկրորդ թեկնածուի անունը՝ նշելով, որ նա փաստաթղթերը ներկայացրել է կարգի խախտմամբ:
«Արմենպրես»-ի փոխանցմամբ՝ ԵՊՀ մամուլի խոսնակ Ազնիվ Գրիգորյանը հայտնեց, որ փաստաթղթերը կարգի խախտմամբ ներկայացրած թեկնածուն Արծրունի Սահակյանն է:
Ավելի վաղ ԵՊՀ խոսնակը «Արմենպրես»-ին հայտնել էր, որ ԵՊՀ ռեկտորի ընտրությունները տեղի կունենան դեկտեմբերի 17-ին: ԵՊՀ ռեկտորի պաշտոնում իր թեկնածությունն է առաջադրել նաև ռեկտորի ժամանակավոր պաշտոնակատար Հովհաննես Հովհաննիսյանը: ԵՊՀ-ից հայտնել էին, որ ևս մեկ անձ առաջադրել է իր թեկնածությունը, սակայն փաստաթղթերը ներկայացրել է կարգի խախտմամբ:
Բաժանորդագրվեք մեր ալիքին Telegram-ում