1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի շախմատի կանանց և տղամարդկանց թիմերը շարունակում են ելույթները Եվրոպայի թիմային առաջնությունում:
«Արմենպրես»-ի հաղորդմամբ` Սլովենիայում ընթացող Եվրոպայի կանանց և տղամարդկանց թիմային առաջնություններում տղամարդկանց հավաքականը հաղթանակ տոնեց Ֆրանսիայի ուժեղ հավաքականի նկատմամբ և հավասարվեց առաջատարներին, այս պահին կիսելով՝ 1-6-րդ հորիզոնականները։ Նոյեմբերի 17-ը հանգստյան օր է։ 6-րդ մրցախաղում Հայաստանի հավաքականի հակառակորդն է Ադրբեջանի ընտրանին։
Կանանց պայքարում Հայաստանի կանանց հավաքականը 2 անընդմեջ պարտություն կրեց, սակայն շարունակում է մոտ մնալ առաջատարներին։ Հանգստյան օրից հետո 6-րդ մրցախաղում Հայաստանի շախմատիստները կմրցեն Ուկրաինայի հավաքականի հետ։