1 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության առողջապահության նախարար Անահիտ Ավանեսյանը Ռուսաստանում կմասնակցի Կանանց երրորդ եվրասիական համաժողովին:
Վարչապետ Նիկոլ Փաշինյանը որոշում է ստորագրել Անահիտ Ավանեսյանին հոկտեմբերի 13-15-ը Ռուսաստան գործուղելու մասին:
«Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝ Հայաստանի Հանրապետության առողջապահության նախարար Անահիտ
Ավանեսյանին 2021 թվականի հոկտեմբերի 13-ից 15-ը գործուղել Ռուսաստանի Դաշնություն (Սանկտ Պետերբուրգ)` Կանանց երրորդ եվրասիական համաժողովին մասնակցելու նպատակով»,- ասված է որոշման մեջ: