368.54
Վրաստանում ՀՀ դեսպանությունն առաջարկում է բեռնափոխադրումներն իրականացնել Բավրա-Նինոծմինդա սահմանային անցակետով
1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի տարածքով իրականացվող բեռնափոխադրումների մեծ ծավալի, ինչպես նաև ՌԴ Վերին Լարս անցակետում ընթացող շինարարական աշխատանքների հետևանքով Թբիլիսիի շրջանցիկ ճանապարհի հատվածում առաջացել են բեռնատար մեքենաների կուտակումներ։ «Արմենպրես»-ի հաղորդմամբ, այս մասին տեղեկացնում է Վրաստանում Հայաստանի դեսպանությունը:
«Կուտակումներից խուսափելու նպատակով բեռնափոխադրողները հնարավորության դեպքում կարող են Բագրատաշեն-Սադախլո սահմանային անցակետի փոխարեն բեռնափոխադրումներն իրականացնել Բավրա-Նինոծմինդա սահմանային անցակետով»,-ասված է դեսպանության հաղորդագրությունում:
Բաժանորդագրվեք մեր ալիքին Telegram-ում