Քաղաքապետարանը շարունակում է ապամոնտաժել ապօրինի կառույցները

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի քաղաքապետարանը շարունակում է ապօրինի կառույցների ապամոնտաժման աշխատանքներ իրականացնել։

«Արմենպրես»-ի հաղորդմամբ՝ Երևանի քաղաքապետարանը տեսանյութ է հրապարակել, թե ինչպես են սեպտեմբերի 28-ին ապամոնտաժում Նոր Նորք վարչական շրջանի ինքնակամ կառույցները։

Գործընթացը շարունակական է և գերատեսչությունը քաղաքապետ Հայկ Մարությանի հրահանգով ապամոնտաժում է բոլոր նմանօրինակ կառույցները մայրաքաղաքի բոլոր վարչական շրջաններում։