398.64
ԼՂ-ում ռուսաստանցի խաղաղապահներն իրավիճակի օբյեկտիվ վերահսկողություն են անցկացրել «Օռլան-10» ԱԹՍ-ի կիրառմամբ
1 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղում ռուսաստանցի խաղաղապահներն «Օռլան-10» ԱԹՍ-ների կիրառմամբ իրավիճակի օբյեկտիվ վերահսկողություն են իրականացրել պատասխանատվության գոտում: «Արմենպրես»-ի հաղորդմամբ՝ այս մասին հայտնում է ՌԴ պաշտպանության նախարարության տեղեկատվության և զանգվածային հաղորդակցության վարչությունը։
Նշվում է, որ գործարկման համար ԱԹՍ-ները սահմանված վայր են տեղափոխվել «ԿամԱԶ» բեռնատարի թափքում։ Հաղորդվում է նաև, որ նման գործողություններ խաղաղապահներն իրականացնում են պարբերաբար։ ԱԹՍ-ների միջոցով ստացած տվյալներն իրական ժամանակի ռեժիմում փոխանցվում են կառավարման կետ, որտեղից իրականացվում է ռուսական խաղաղապահ ուժերի պատասխանատվության գոտում գտնվող գործնականում ողջ տարածքում իրավիճակի շուրջօրյա վերահսկողություն։ Շտաբի հերթապահները հավաքում, ամփոփում և ստուգում են խախտումների մասին ողջ տեղեկատվությունը։
Օդից օբյեկտիվ վերահսկողություն ու ստուգում են իրականացնում նաև «Ֆորպոստ» ԱԹՍ-ների հաշվարկների համակարգերը։
Բաժանորդագրվեք մեր ալիքին Telegram-ում