Զինված ուժերը եղել են և կմնան Արցախի Հանրապետության անվտանգության կարևոր գրավականներից մեկը. Դավիթ Բաբայան
1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Արցախի Հանրապետության հռչակման 30-ամյակի միջոցառումների շրջանակում սեպտեմբերի 2-ին Դավիթ Բաբայանն այցելել է Պաշտպանության բանակի զորամասերից մեկը։
«Արմենպրես»-ի հաղորդմամբ՝ Արցախի ԱԳ նախարարությունից տեղեկացնում են, որ նախարարը շնորհավորել է զինծառայողներին պետական կարևորագույն տոնի կապակցությամբ, քննարկել արտաքին քաղաքականությանն ու պետականաշինությանը վերաբերող մի շարք հարցեր:
«Նան ընդգծել է, որ զինված ուժերը եղել են և կմնան Արցախի Հանրապետության անվտանգության կարևոր գրավականներիցմեկը»,- նշված է ԱԳՆ տարածած հաղորդագրության մեջ:
Հանդիպման ավարտին Դավիթ Բաբայանը զինծառայողներին մաղթել է բարի և անփորձանք ծառայություն։