368.59
Կորոնավիրուսի դեմ կանխարգելիչ ոչ մի միջոցառում 100 տոկոսով չի բացառում հիվանդացությունը. Ավանեսյան
1 րոպեի ընթերցում
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: ՀՀ առողջապահության նախարարի պաշտոնակատար Անահիտ Ավանեսյանը կորոնավիրուսի դեմ պայքարում լուրջ կանխարգելիչ միջոցառում է համարում պատվաստվելը, սակայն նշում է, որ որևէ կանխարգելիչ միջոցառում հարյուր տոկոսով չի բացառում հիվանդացությունը:
«Արմենպրես»-ի հաղորդմամբ՝ այս մասին Ավանեսյանն ասաց հուլիսի 9-ին լրագրողների հետ հանդիպմանը:
«Մեր առջև խնդիր է դրված անել հնարավորը, որ հիվանդացության պարագայում այն թեթև ընթանա, որ չլինեն ծանր դեպքեր ու մահեր»,- շեշտեց նախարարի պաշտոնակատարը:
Նրա խոսքով՝ գրանցվում է մահերի ցուցանիշի նվազում: Այն չի անցնում երկու տոկոսի շեմը, ինչը բավական լավ ցուցանիշ է ընդհանուր համաշխարհային սանդղակում:
«Իհարկե, ցանկացած մահ մեծ վիշտ է, և մենք պետք է անենք ամեն ինչ այդ դեպքերը կանխելու համար»,- եզրափակեց Անահիտ Ավանեսյանը:
Բաժանորդագրվեք մեր ալիքին Telegram-ում