ՀՀ ՊՆ-ն հայտնում է Բաքվի հերթական ապատեղեկատվության մասին. ՀՀ ԶՈՒ-ն իրականացնում է միայն հակազդելու գործողություններ
1 րոպեի ընթերցում
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Ադրբեջանի պաշտպանության նախարարությունը հերթական անգամ ապատեղեկատվություն է տարածում, հաղորդելով, թե հուլիսի 7-ին, ժամը 13:40-ի սահմաններում, հայկական ԶՈՒ ստորաբաժանումները գնդակոծել են Տավուշի մարզի հայ-ադրբեջանական սահմանագոտու ուղղությամբ տեղակայված ադրբեջանական դիրքերը։ «Արմենպրես»-ի հաղորդմամբ՝ այս մասին նշված է ՀՀ պաշտպանության նախարարության տեղեկատվության և հասարակայնության հետ կապերի վարչության տարածած հայտարարության մեջ։
«Տեղեկությունը չի համապատասխանում իրականությանը։ ՀՀ զինված ուժերը հրադադարի պահպանման ռեժիմը չեն խախտել»,- հայտնում են ՀՀ ՊՆ-ից։
Ըստ աղբյուրի՝ հայկական ստորաբաժանումները, անհրաժեշտության դեպքում իրականցնում են միայն հակառակորդին հակազդելու գործողություններ։