«Ռեինկարնացիա» խումբը ներկայացրել է «Օլիմպիկոս» անիմացիոն ֆիլմի սաունդթրեքն ու հոլովակը
1 րոպեի ընթերցում
![«Ռեինկարնացիա» խումբը ներկայացրել է «Օլիմպիկոս» անիմացիոն ֆիլմի սաունդթրեքն ու հոլովակը](http://armenpress.am/resized/480/static/news/b/2021/06/1056660.jpg)
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ։ «Ռեինկարնացիա»-ն և Ռոլանդ Գասպարյանը հրապարակել են «Օլիմպիկոս» անիմացիոն ֆիլմի սաունդթրեքը, որի տեսահոլովակի ռեժիսորը Հրաչյա Զաքարյանն է:
«Արմենպրես»-ի հաղորդմամբ՝ «Խնջույքի երգ» ստեղծագործության խոսքերի հեղինակն Արմենակ Սարգսյանն է (Սարմեն), երաժշտությունը՝ Կարո Զաքարյանի, հնչյունային ռեժիսորն Արման Ավետիսյանն է, հնչյունային ձևավորումը` Հարություն Քոթանջյանի:
Նկարիչը Մկրտիչ Շեխյանն է, օպերատորը՝ Արթուր Ղարայան, անիմացիան` «Sahakyants Animation Studio»-ի:
«Օլիմպիկոս» լիամետրաժ երաժշտական անիմացիոն ֆիլմը հիմնված է իրական պատմության վրա: Այն ներկայացնում է հայոց հզոր թագավոր Վարազդատին, որը մասնակցում է օլիմպիական խաղերին և հաղթում: