396.54
Տոկիոյի կենդանաբանական այգում զույգ պանդաներ են լույս աշխարհ եկել
1 րոպեի ընթերցում
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Ճապոնիայի մայրաքաղաք Տոկիոյի կենդանաբանական այգում Շին Շին անունով հսկա պանդան զույգ է ունեցել: Ինչպես փոխանցում է«Արմենպրես»-ը, այս մասին հայտնում է Reuters-ը՝ նշելով, որ սա կենդանաբանական այգում վերջին չորս տարիների ընթացքում պանդայի ծնվելու առաջին դեպքն է:
/cloudfront-us-east-2.images.arcpublishing.com/reuters/XYTLCVG6WVKBXA44PZDEUNPCIU.jpg)
Հսկա պանդայի ձագերի սեռը հայտնի չէ, նրանց դեռևս չեն անվանակոչել:
«Ողջ անձնակազմն աշխատում է՝ պաշտպանելու հսկա պանդա մայրիկին և նրա երեխաներին»,- ասվում է կենդանաբանական այգու հայտարարության մեջ:
Ձագերից մեկը կշռում է 124 գրամ, մյուսի քաշը հայտնի չէ: Հրապարակված լուսանկարից երևում է, որ ձագերը չափահաս մարդու ձեռքի ափի մեծության են:
/cloudfront-us-east-2.images.arcpublishing.com/reuters/EBCGSI6U7BLZHLFIMFUGQFMNKQ.jpg)
Շին Շինը ծնվել է 2005 թվականին՝ Չինաստանում: Նա Ճապոնիա է բերվել իր զուգընկերոջ՝ Ռի Ռիի հետ տասը տարի առաջ: Նրանց առաջին երեխան ծնվել էր 2017 թվականին:
Բաժանորդագրվեք մեր ալիքին Telegram-ում