Առաջին զորամիավորման հրամանատարի տեղակալը խորհրդակցություն է անցկացրել ստորաբաժանումների հրամանատարների հետ
1 րոպեի ընթերցում
![Առաջին զորամիավորման հրամանատարի տեղակալը խորհրդակցություն է անցկացրել ստորաբաժանումների հրամանատարների հետ](http://armenpress.am/resized/480/static/news/b/2021/06/1054890.jpg)
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Առաջին զորամիավորման հրամանատարի տեղակալ, գնդապետ Ա․Թումանյանը հունիսի 9-ին հավաք-խորհրդակցություն է անցկացրել ենթակա ստորաբաժանումների հրամանատարների հետ։
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, խորհրդակցության ընթացքում քննարկվել են առաջադրված խնդիրների կատարման ընթացքը, առկա բացթողումներն ու դրանց լուծմանն ուղղված անհրաժեշտ քայլերը։ Զորամիավորման հրամանատարի տեղակալը նաև հրահանգավորում է անցկացրել նորակոչիկ զինծառայողների ընդունման համար անհրաժեշտ պայմանների ապահովման վերաբերյալ։