«Հայաստան» դաշինքն ահազանգում է որոշ համայնքներում շտաբերի պաստառները վնասելու դեպքերի մասին
1 րոպեի ընթերցում
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: «Հայաստան» դաշինքի կենտրոնական շտաբի պաշտոնական ներկայացուցիչ Արամ Վարդևանյանը հայտարարություն է տարածել այն մասին, որ համաձայն իրենց հասած տեղեկությունների՝ հունիսի 4-ի գիշերը մի խումբ անձինք դիտավորությամբ վնասել ու ոչնչացրել են Արագածոտնի մարզի Ծաղկահովիտ համայնքում և Շիրակի մարզի Սառնաղբյուր համայնքում տեղակայված «Հայաստան» դաշինքի շտաբերի պաստառները: Նա նշել է, որ Ծաղկահովիտում տեղի ունեցածին նախորդել է մարզպետի այցը հենց այդ համայնք:
«Նշված դեպքերի վերաբերյալ արդեն իսկ իրավապահները տեղեկացվել են, չնայած այսպիսի դեպքերով մինչ օրս հարկադրանքի միջոցները պատշաճ չեն»,- «Արմենպրես»-ի փոխանցմամբ՝ նշել է Վարդևանյանը՝ նշելով, որ արարքի պատասխանատուները չեն կարողանալու խուսափել պատժից: