Երկրորդ զորամիավորումում անցկացվել է հրամանատարական հավաք-խորհրդակցություն
1 րոպեի ընթերցում
![Երկրորդ զորամիավորումում անցկացվել է հրամանատարական հավաք-խորհրդակցություն](http://armenpress.am/resized/480/static/news/b/2021/06/1054456.jpg)
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Երկրորդ զորամիավորումում մայիսի 4-ին անցկացվել է հավաք-խորհրդակցություն՝ ենթակա զորամասերի հրամանատարների տեղակալների և գումարտակների հրամանատարների մասնակցությամբ:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, զորամիավորման հրամանատար, գեներալ-մայոր Ա. Հարությունյանի ղեկավարությամբ անցկացված խորհրդակցության ընթացքում ներկայացվել է մարտական պատրաստության, մարտական հերթապահության կազմակերպման, թիկունքային ապահովման և անձնակազմի բարոյահոգեբանական ապահովման վիճակը, քննարկվել են առկա խնդիրներն ու դրանց լուծման հնարավոր ուղիները։