1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: 2021 թվականի դրությամբ քրեակատարողական հիմնարկներում պահվում է 2 124 անձ, աշխատանքով ապահովված է եղել 430 դատապարտյալ:
«Արմենպրես»-ի հաղորդմամբ՝ այս մասին ասաց Արդարադատության նախարարի պաշտոնակատար Ռուստամ Բադասյանը՝ ներկայացնելով 2020 թվականի պետական բյուջեի կատարման վերաբերյալ հաշվետվությունը:
«Բոլոր քրեակատարողական հիմնարկներում անազատության մեջ պահվող անձանց սննդի տրամադրման գործընթացն իրականացվում է մասնավոր ընկերության կողմից, պատրաստի սննդից օգտվող շահառուների թվաքանակը մոտ է 100 տոկոսի: Կատարված փոփոխությունների արդյունքում այդ թիվը կազմում էր 50 տոկոսից ավելին, ապա փոփոխությունների արդյունքում դատապարտյալները այլևս կախված չեն տրամադրվող հանձնուքներից և կարող են օգտվել սննդի ծառայություններից»,- ասաց Բադասյանը: