Տնտեսական և տրանսպորտային կապերի ապաշրջափակումը բխում է Հարավային Կովկասի բոլոր պետությունների շահերից. Միշուստին
1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Ռուսաստանի վարչապետ Միխայիլ Միշուստինը կարծում է, որ Լեռնային Ղարաբաղի հարցով եռակողմ պայմանավորվածությունները նոր հնարավորություններ են բացել տարածաշրջանի զարգացման համար, ինչը բխում է Հարավային Կովկասի բոլոր պետությունների շահերից:
«Արմենպրես»-ի փոխանցմամբ՝ ինչպես հայտնում է ռուսական ՏԱՍՍ գործակալությունը, Միշուստինն այս մասին ասել է Ադրբեջանի վարչապետ Ալի Ասադովի հետ հանդիպմանը.
Ռուսաստանի կառավարության ղեկավարն ընդգծել է, որ Հայաստանի, Ադրբեջանի և Ռուսաստանի ղեկավարների համատեղ հայտարարությունը ավելի համալիր զարգացման հնարավորություններ են հաց ել տարածաշրջանի զարգացման համար:
«Ես համոզված եմ, որ տնտեսական և տրանսպորտային կապերի ապաշրջափակումը, նոր ենթակառուցվածքային երթուղիների ստեղծումը բխում է Հարավային Կովկասի բոլոր պետությունների շահերից»,- ասել է Միխայիլ Միշուստինը: