Ընտրություններին կմասնակցի նաև «Շիրինյան-Բաբաջանյան ժողովրդավարների դաշինք»-ը. Բաբաջանյանը և Շիրինյանը հուշագիր ստորագրեցին

3 րոպեի ընթերցում

ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Հանուն Հանրապետության և Քրիստոնեա-ժողովրդավարական կուսակցությունները հայտարարեցին ժողովրդավարական երկու ուժերի կողմից արտահերթ խորհրդարանական ընտրություններին միասնական ճակատով մասնակցելու մասին: Ինչպես փոխանցում է «Արմենպրես»-ը, դաշինք կազմելու մասին հուշագիրը ստորագրեցին երկու կուսակցությունների առաջնորդներ Արման Բաբաջանյանը և Լևոն Շիրինյանը:

Այսպիսով, այս ուժերը հունիսի 20-ին կայանալիք արտահերթ խորհրդարանական ընտրություններին կմասնակցեն «Շիրինյան-Բաբաջանյան ժողովրդավարների դաշինք» անվանմամբ:

Քրիստոնեա-ժողովրդավարական կուսակցության նախագահ Լևոն Շիրինյանը նշեց, որ իրենք որոշել են առաջիկա ընտրություններում հանդես գալ միասնական ճակատով ու իրենց նպատակն է 2018 թվականի հեղափոխության իդեալների ու բացթողումների վերհանման իրականացումը: «Մեր երկրում պակասում է վճռականությունը, այս ուժը լինելու է նա, որ դրսևորելու է կամք, սկզբունքայնություն ու մինչև վերջ գնալու ցանկություն: Մենք կանգնած ենք մեր պատմության ճակատագրական խնդիրները լուծելու առաջ, այսօր ավելի սուր է վիճակը, քան 1920 թվականին, երբ Հայաստանում բռնազավթվեց իշխանությունը»,- ասաց Շիրինյանը՝ ավելացնելով, որ Հանուն Հանրապետության կուսակցության հետ որևէ տարաձայնություն չունեն, հարցերի քննարկումները եղել են կարճ , ունեն համախոհություն և տրամադրություն՝ միասին գնալու դեպի ընտրություններ: «Հույս ունեմ, որ մեր դաշինքը կունենա նույն տրամաբանությունը: Հայաստանը պետք է ունենա վերընթաց զարգացում, մեր առաջ դնում ենք արդիականացման, արդյունաբերության զարգացման, գիտատեխնիկական ու մշակութային բարձր արժեքների վրա հիմնված պետություն ունենալու նպատակ»,- ասաց Լևոն Շիրինյանը:

Իր հերթին, Արման Բաբաջանյանը անդրադարձավ Սյունիքում ստեղծված իրավիճակին: «Այսօր Սյունիքով անցնում է Հայաստանի ինքնիշխանության ողնաշարը ու մեր արձագանքից է կախված, թե որքան անկոտրում կմնա այդ ողնաշարը, որքանով կհաջողենք մեր ձգտումների մեջ: Մենք առաջիկա խորհրդարանում պետք է նյութականացնենք մեր նպատակները: Այն ինչ տեղի է ունենում այսօր մեր երկրում՝ ընտրական գործընթացների հետ գրեթե անհամատեղելի են: Այսօր լուռ գործելու, աշխատանքով դրսևորվելու ժամանակաշրջան է, իսկ եթե որոշում ենք խոսել, ապա միայն կոնկրետ ծրագրերից, խնդիրներից, առարկայորեն, վեր հանելով ներքին և արտաքին անվտանգային խնդիրները»,- ասաց Բաբաջանյանը՝ ընդգծելով, որ առաջիկա ընտրությունները մեր պետականության համար ոչ պակաս կարևոր միջոցառում է:

Հայերեն Русский

Գյումրիում 27 տեղամասի տվյալներով` առաջատարը ՔՊ-ն է

Փարաքարում ամփոփվել են քվեարկության նախնական արդյունքները

Հայտնի են Գյումրու ավագանու ընտրությունների 5 ընտրատեղամասերի ամփոփ արդյունքները

Ամփոփվել են Փարաքարի 6 ընտրատեղամասերում ՏԻՄ ընտրությունների արդյունքները

ՄԻՊ աշխատակազմն ուսումնասիրել է Փարաքարում և Գյումրիում ընտրությունների հետ կապված ավելի քան 300 հրապարակում

Գերմանիայի նախագահ Ֆրանկ-Վալտեր Շտայնմայերը ժամանեց Հայաստան

«Ինտեր»-ը սեփական հարկի տակ հաղթեց «Ուդինեզե»-ին. Մխիթարյանը մասնակցեց ամբողջ խաղին

Ոստիկանությունը Գյումրիում և Փարաքարում ՏԻՄ ընտրությունների ընթացքում ենթադրյալ հանցագործության մասին 6 հաղորդում է ուղարկել նախաքննական մարմին

Նախնական տվյալներով՝ Գյումրիում ավագանու ընտրություններին մասնակցել է ընտրողների 42.66%-ը, Փարաքարում՝ 54.97%-ը

ՀՀ ՊՆ-ն հերքում է սահմանագոտու արևելյան և հարավարևելյան հատվածների ուղղությամբ կրակելու մասին Ադրբեջանի ապատեղեկատվությունը