1 րոպեի ընթերցում
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Մալիի Թոմբուքութու քաղաքում բնակվող Խալիմա Սիսեն այս շաբաթ ինը երեխա Է ծննդաբերել՝ հինգ աղջիկ եւ չորս տղա: Մայիսի 5-ին այդ մասին հայտնել Է Մալիի նորությունների Maliweb պորտալը՝ վկայակոչելով Մալիի առողջապահության եւ սոցիալական զարգացման նախարարության հայտարարությունը, տեղեկացնում Է «Արմենպրես»-ը:
«Երկրի մայրաքաղաք Բամակոյի հիվանդանոցում երկու շաբաթ մնալուց հետո Խալիման Մալիի ժամանակավոր նախագահ Բա Նդաոյի անձնական կարգադրությամբ ապրիլի 30-ին տեղափոխվել Է Մարոկո ծննդաբերելու համար,- նշել Է նախարարությունը:- Մայիսի 4-ին կեսարյան հատման միջոցով նա լույս աշխարհ Է բերել ինը նորածինների»:
Մալիի իշխանությունները նշում են, որ մայրկը եւ երեխաներն իրենց լավ են զգում: Մալիում, Համաշխարհային բանկի տվյալներով՝ մեկ կնոջը բաժին Է ընկնում 6,3 երեխա: Այս ցուցանիշով Մալին աշխարհում զիջում Է սոսկ հարեւան Նիգերին: Մալին մտնում Է Աֆրիկայի՝ ամենաերիտասարդ բնակչությամբ երկրների եռյակը: Ներկայումս Մալիի բնակչի միջին տարիքը կազմում Է 16,3 տարի, հաղորդել Է ՏԱՍՍ-ը: