Երրորդ զորամիավորման զորամասի հրետանային ստորաբաժանումները մասնակցել են ճամբարային հավաքների
1 րոպեի ընթերցում
![Երրորդ զորամիավորման զորամասի հրետանային ստորաբաժանումները մասնակցել են ճամբարային հավաքների](http://armenpress.am/resized/480/static/news/b/2021/04/1050705.jpg)
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Անձնակազմի դաշտային վարժվածության և մասնագիտական պատրաստության մակարդակն ամրապնդելու, հրամանատարական կազմի ղեկավարման ունակություններն ու կրակի կառավարման հմտությունները զարգացնելու նպատակով ապրիլի 26-ից 28-ը 3-րդ զորամիավորման ենթակայությամբ գործող N զորամասի հրետանային ստորաբաժանումները մասնակցել են ճամբարային հավաքների։
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, հավաքների ընթացքում իրականացվել են մասնագիտական պատրաստության տեսական և գործնական պարապմունքներ, անձնակազմը հաջողությամբ կատարել է առաջադրված բոլոր խնդիրները։