Ամփոփվել են «Բանակային խաղեր-2021»-ի «Խաղաղության մարտիկ» մրցաձևի համաբանակային ընտրական փուլի արդյունքները

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Հինգերորդ զորամիավորումում ամփոփվել են «Բանակային խաղեր-2021» միջազգային մրցաշարի «Խաղաղության մարտիկ» մրցաձևի համաբանակային ընտրական փուլի արդյունքները։

Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, մարտական և ֆիզիկական պատրաստության համալիր վարժանքների արդյունքներով ընտրվել են բանակային խաղերում զորամիավորման հավաքականը ներկայացնող լավագույն զինծառայողները: Վերջիններս խրախուսվել են պատվոգրերով և արժեքավոր նվերներով։