Անհետ կորած և զոհված զինծառայողների ծնողները հանդիպել են պատգամավոր Սոֆիա Հովսեփյանի հետ

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Ադրբեջանի կողմից Արցախի դեմ սանձազերծված պատերազմի հետևանքով անհետ կորած և զոհված զինվորների ծնողներն Ազգային ժողովում հանդիպել են անկախ պատգամավոր Սոֆիա Հովսեփյանի հետ: «Արմենպրես»-ի փոխանցմամբ` նրանք հանդիպում են պատգամավորների հետ:

«Ծնողները ցանկանում են, որպեսզի այն սպայական կազմը, որոնք տարել են երեխաներին, հրահանգ են տվել, իրենք հարցաքննվեն և պատասխանատվության ենթարկվեն: Ծնողների ողջ պահանջը պատասխանատվության ենթարկելն է»,- ասաց Սոֆիա Հովսեփյանը:

Ապրիլի 12-ին Ադրբեջանի կողմից Արցախի դեմ սանձազերծված պատերազմի հետևանքով անհետ կորած զինվորների ծնողները բողոքի ակցիա են անցկացրել կառավարության շենքի դիմաց:

Ապրիլի 8-ին ՀՀ փոխվարչապետ Տիգրան Սարգսյանի գրասենյակը հայտարարել էր, որ գերիների հետ վերադարձը, ցավոք, կրկին հետաձգվում է, քանի որ հակառակորդի կողմից նոյեմբերի 9-ի եռակողմ հայտարարության 8-րդ կետը ի կատար չի ածվում, ինչը հետպատերազմական մարդասիրական գործընթացի կոպիտ խախտում է։