1 րոպեի ընթերցում
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Ֆինլանդիայի Nokia հեռահաղորդակցական սարքավորանքներ արտադրող ընկերությունը կարող Է հաջորդ մի քանի տարում 5-ից մինչեւ 10 հազար աշխատատեղ կրճատել: Այդ մասին ընկերությունը հայտնել Է մարտի 16-ին, տեղեկացնում Է «Արմենպրես»-ը:
«18-24 ամսվա ընթացքում պլանավորված վերակազմակերպման արդյունքը պետք Է դառնա ընկերությունը բաղկացած 80-85 հազար աշխատակիցներից ներկայիս 90 հազարի փոխարեն: Ստույգ թիվը կախված կլինի հետագ երկու տարում շուկայի միտումներից»,- ասված Է հաղորդագրության մեջ: Կրճատման պլանները կապված են մինչեւ 2023 թվականը ծախսերը 600 միլիոն եվրոյով կրճատելու՝ ընկերության մտադրության հետ:
Ավելի վաղ Nokia-ն արդեն բազմիցս կրճատել Է անձնակազմը Ֆինլանդիայում եւ արտասահմանում երկարաժամկետ հեռանկարում մրցունակության պահպանման համար: Nokia-ն արտադրում Է հեռահաղորդակցական սարքավորանք շարժական, ֆիքսված, լայնաշերտ եւ IP-ցանցերի համար: Նրա բաժնետոմսերը տեղաբաշխված են Մայնի Ֆրանկֆուրտի, Նյու Յորքի եւ Հելսինկիի ֆոնդային սակարաններում, հաղորդել Է ՏԱՍՍ-ը: