396.76
Ազնավուրի հարսանեկան արարողությունը հայտնվել է 13 հարսանիքների մասին պատմող Vogue-ի հոդվածում
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Vogue ամսագրի ֆրանսիական հրատարակությունը նյութ է պատրաստել 13 աստղային զույգերի մասին, որոնք ամուսնացել են «մեղքերի քաղաքում»՝ Լաս Վեգասում՝ հրապարակելով լուսանկարներ արարողությունից: «Արմենպրես»-ի փոխանցմամբ, այդ պատմություններից մեկն էլ հայտնի ֆրանսահայ շանսոնյե Շառլ Ազնավուրի և Ուլլա Տորսելի հարսանիքի մասին է:
Vogue–ում հրապարակված՝ 1967 թվականին արված լուսանկարում Շառլ Ազնավուրը և Ուլլա Տորսելն են, ովքեր Լաս Վեգասի Ֆլամինգո հյուրանոցում կտրում են իրենց հարսանեկան տորթը:
Ի դեպ, զույգը հարսանեկան երկու արարողություն է ունեցել. երկրորդ անգամ Շառլը և Ուլլան պսակադրվել են Փարիզի հայկական եկեղեցում:
Հեղինակավոր ամսագրի կողմից հրապարակված մյուս 12 լուսանկարներում այնպիսի հեղինակավոր դեմքեր են, ինչպիսիք են Էլվիս Փրեսլին և Պրիսիլա Բոլյեն, Ֆրանկ Սինատրան և Միա Ֆերոուն, Էլիզաբեթ Թեյլորը և Էդի Ֆիշերը, Ռիչարդ Գիրը և Սինդի Քրոուֆորդը, Բրյուս Ուիլիսը և Դեմի Մուրը, Անջելինա Ջոլին և Բիլի Բոբ Թորնթոնը, Սոֆի Թըրները և Ջո Ջոնասը և այլք:
Բաժանորդագրվեք մեր ալիքին Telegram-ում