ՀՓՇ-ի անդամները վրաններ տեղադրեցին Դեմիրճյան փողոցում. ոստիկանությունն ուժեր է կուտակում
1 րոպեի ընթերցում
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: «Հայրենիքի փրկության շարժում» նախաձեռնության անդամները վրաններ տեղադրեցին Ազգային ժողովի Դեմիրճյան փողոցի մուտքի դիմաց: «Արմենպրես»-ի փոխանցմամբ՝ Դեմիրճյան փողոցում ուժեր է կուտակում նաև ՀՀ ոստիկանությունը:
Շարժման անդամները հայտարարում են, որ խորհրդարանի շենք մուտք գործելու մտադրություն չունեն և խորհրդարանի մուտքերը փակ են պահելու այնքան ժամանակ, մինչև հրաժարական ներկայացնի ՀՀ վարչապետ Նիկոլ Փաշինյանը:
«Երևանի բոլոր փողոցները մշտապես շրջափակվելու են, այս իրավիճակը ունի միայն մեկ հանգուցալուծում»,- նշեց ՀՇՓ անդամ, «Բարգավաճ Հայաստան» խմբակցության պատգամավոր Նաիրա Զոհրաբյանը:
Հանրահավաքի մասնակիցների կողմից փակված է նաև Բաղրամյան պողոտան: