1 րոպեի ընթերցում
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը շրջայց է կատարել Գավառ քաղաքում: «Արմենպրես»-ի փոխանցմամբ՝ այս մասին Փաշինյանը գրել է «Ֆեյսբուք»-ի իր էջում և տեսանյութ հրապարակել:
Վարչապետը քաղաքացիների հետ զրույցում նշեց, որ պատերազմից հետո երկրի առջև ծառացել են բազմաթիվ խնդիրներ, որոնք պետք է լուծել:
«Ամենացավոտ խնդիրը գերիների, անհետ կորածների խնդիրն է, պետք է օր առաջ լուծենք: Ցավոք իրադարձություններ կան, որ խանգարում են այդ խնդրի լուծմանը, բայց պետք է լուծենք»,- ասաց Փաշինյանը:
Քաղաքացիներից ոմանք վարչապետի հետ հանդիպման ընթացքում խնդրեցին քայլեր ձեռնարկել նաև տարածվող ապատեղեկատվությունները վերցնելու ուղղությամբ:
«Արդեն պետք է սովորած լինեք՝ սուտը ճշտից տարբերել, ամեն ասածի պետք չէ հավատալ: Նոյեմբերից սկսած ինչքան տեղեկություններ են տրվել, հիմա կարող եք գոնե վերլուծելով սուտը ճշտից տարբերել»,- ասաց Փաշինյանը:
ՀՀ վարչապետ Նիկոլ Փաշինյանը մարտի 9-ին այց էր կատարել Գեղարքունիքի մարզ և խորհրդակցություն անցկացրել մարզպետարանում: