1 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: PROJECT LA նախագիծը, որը երգերի է վերածում հայ և այլազգի բանաստեղծների ստեղծագործություններ, երգ է նվիրել Արցախյան 44-օրյա պատերազմում անմահացած հերոսներին:
«Արմենպրես»-ի հաղորդմամբ՝ «Ռեքվիեմ» երգի հոլովակն արդեն համացանցում է: Երգի բառերի հեղինակն Ավետ Բարսեղյանն է, երաժշտությունը գրել է Լևոն Արևշատյանը, գործիքավորումն իրականացրել է Խաչիկ Սահակյանը, պրոդյուսերը և ռեժիսորը Սուրեն Սահակյանն է, մենակատարը՝ Գոռ Սուջյանը:
PROJECT LAնախագիծը ստեղծել է կոմպոզիտոր Լևոն Արևշատյանը: Նախագծի բոլոր երգերի երաժշտության հեղինակն Արևշատյանն է: PROJECT LA-ի շրջանակում ծնվել են գործեր՝ հիմնված Վահան Տերյանի, Եղիշե Չարենցի, Պարույր Սևակի, Համո Սահյանի, Էդգար Պոի և այլ հեղինակների ստեղծագործությունների վրա: