1 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Հայկական կողմն Ադրբեջանին է փոխանցել 1 գերի:
«Արմենպրես»-ի փոխանցմամբ՝ այս մասին հայտնել է Լեռնային Ղարաբաղում տեղակայված ռուս խաղաղապահների զորակազմի հրամանատար գեներալ-լեյտենանտ Ռուստամ Մուրադովը:
«Իրականացվել է գերիների հերթական փոխանակումը: Կատարված աշխատանքների արդյունքում՝ Բաքու է տարվել 1 և Երևան է վերադարձվել 5 գերի»,- նշել է Մուրադովը:
Նոյեմբերի 9-ի երեկոյան Երևանում վայրէջք է կատարել ռուս խաղաղապահների ինքնաթիռը, որով Բաքվից Երևան է վերադարձվել 5 գերի:
Ռուսաստանի Դաշնության նախագահի 2020 թվականի նոյեմբերի 10-ի հրամանագրով Լեռնային Ղարաբաղում տեղակայվել է ռուս խաղաղապահների զորակազմը: Զորակազմի հիմքը կազմում է Կենտրոնական ռազմական օկրուգի 15-րդ առանձին մոտոհրաձգային բրիգադը։ Խաղաղապահների հրամանատարն է գեներալ-լեյտենանտ Ռուստամ Մուրադովը։