Ներքին գործերի նախարարության ձևավորումը մեր օրակարգում է. Փաշինյանը` ոստիկանության ոլորտի բարեփոխումների մասին
1 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Ներքին գործերի նախարարության և Պարեկային ոստիկանության ծառայության ձևավորման հարցը Կառավարության օրակարգւմ է:
«Արմենպրես»-ի հաղորդմամբ՝ այս մասինՀՀ վարչապետ Նիկոլ Փաշինյաննասել է Ոստիկանության բարեփոխումների վերաբերյալ խորհրդակցության ժամանակ:
«Մենք բազմիցս խոսել ենք, որ դատաիրավական համակարգի բարեփոխումները մեր այս տարվա կարևորագույն անելիքներից են: Այդ համատեքստում Ոստիկանության ոլորտի բարեփոխումները նույնպես չափազանց կարևոր են: Առաջիկայում մեր օրակարգում է Ներքին գործերի նախարարության ձևավորման գործընթացը: Զուգահեռ այս տարի պետք է մեկնարկենք նաև Պարեկային ոստիկանության հիմնադրումը ՀՀ-ում: Գործընթացն արդեն սկսված է, և մենք այսօր պետք է քննարկենք նաև այս համատեքստում, թե ինչ հրատապ անելիքներ կան, որպեսզի ավելի չհետաձգվի այդ ծրագիրը, որը պատերազմի պատճառով մի փոքր հետաձգվել է»,- նշել է Փաշինյանը:
Նրա խոսքով՝ պետք է կարողանալ 2021 թվականին իրագործել այդ նախագիծը, ինչպես պլանավորվել էր: