1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Աշխարհի ամենաթանկարժեք ապրանքանիշ է ճանաչվել Apple ընկերությունը՝ շրջանցելով Amazon և Google ընկերություններին: Ինչպես փոխանցում է «Արմենպրես»-ը, վկայակոչելով ՏԱՍՍ-ը, այդ մասին հայտնի է դարձել Brand Finance ընկերության հրապարակած ցանկից, որի համաձայն՝ ամերիկյան տեխնոլոգիական հսկայի արժեքը գնահատվում է 263.4 մլրդ դոլար:
Վերլուծաբանների գնահատմամբ՝ Amazon-ը գնահատվում է 254.2 մլրդ դոլար, իսկ Google-ը՝ 191.2 մլրդ: Առաջատար հնգյակում են ընդգրկվել նաև Microsoft-ը ($140,4 մլրդ) և Samsung Group-ը ($102,6 մլրդ):
Առաջատար տասնյակում ընդգրկվել են նաև Walmart, Facebook, ICBC, Verizon և WeChat ընկերությունները:
Նշվում է, որ Apple-ը 2016 թվականից հետո առաջին անգամ է գերազանցում Amazon-ին և Google-ին: