1 րոպեի ընթերցում
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: IPhone 12 սմարթֆոնները կարող են առաջացնել բժշկական սարքերի էլեկտրամագնիսական խափանումներ: «Արմենպրես»-ի հաղորդմամբ՝ ինչպես տեղեկացնում է «ՌԻԱ Նովոստի»-ն՝ խնդրի մասին հաղորդվում է Apple- ի կայքում տեղադրված պաշտոնական փաստաթղթում:
Խնդիրը MagSafe աքսեսուարների նոր համակարգի մեջ է, որը մագնիսներ է պարունակում: Սերտ շփման դեպքում մի շարք բժշկական սարքեր կարող են արձագանքել մագնիսներին:
Apple-ը խորհուրդ է տալիս iPhone 12-ը և MagSafe- ի ցանկացած պարագա պահել անվտանգ հեռավորության վրա (15-30 սմ): Բացի այդ, խորհուրդ է տրվում լրացուցիչ խորհրդակցել բժշկի և բժշկական սարք արտադրողի հետ: