1 րոպեի ընթերցում
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և իտալական «Ռոմա»-ի կիսապաշտպան Հենրիխ Մխիթարյանը վնասվածք ունի:
«Արմենպրես»-ի հաղորդմամբ` այս մասին գրում է La Gazzetta dello Sport-ը: Ըստ պարբերականի, Մխիթարյանի մասնակցությունը «Ռոմա»-ի` հունվարի 22-ին կայանալիք խաղին, հարցականի տակ է: Հայ կիսապաշտպանը մկանային ցավեր ունի և մարզումն անցկացրել է թիմից առանձին: Մխիթարյանի մասնակցության մասին վերջանական որոշում կկայացվի խաղից առաջ:
Իտալիայի ֆուտբոլի առաջնության 19-րդ տուրում «Ռոմա»-ն կմրցի «Սպեցիա»-ի հետ: Հանդիպումը կկայանա հունվարի 22-ին: